“Ертөнц хэмээх бvлэг шүлгүүд”

 










1-р бүлэг

       * * *

... Төрхийнхөө чарлаанаас үхлээ зөгнөж

Үхлийнхээ чимээнээс ертөнцийн төгсгөлийг харж

Ертөнцийн төгсгөлөөс мөн чанараа мэдрэх ...

       * * *

Дэлхий тэнхлэгээ эргэх тоолондоо

Амьдрал дусааж ...

Зүүдэн дунд нь далайн давалгаа бүжинэм ...

      * * *

Агуу их хоосны эцэст “...Төрөлхтөн...”

“...нулимсан...” далайн хаанчлалд живэхийг

Орон зайн эрин галавын эхлэл ...

... дуулан гиншинэм ...

 





 


2-р бүлэг

     * * *

...Бүх тэмтрүүлээ дэлгэж...

...Ууршин дэгдээд...

Чинийхээ ертөнцийг алгуурхан норгоном ...

    * * *

Далайн давалгаанаас

Ганц дусал

Сарны магнайд дусаад

Дэлхийд баярлахад

Хүүхдийн чарлаан

Час час час ...

 

   * * *

Дэлхийгээс шидсэн

Ухааны чулуу

Ертөнцөд гаригстай

Тэсрэлдэн гал болж

Нар сарны урсгалд

Өөр нэгэн сүүлт од үүсгэнэ.

3-р бүлэг

  * * *

Дусал усанд тунгалаг ухаан

Дусал усны чимээ

Дэлхийн гуниг

Ухаанаас төрсөн гуниг

Гуниг арилсан ухаан...

   * * *

Солонгын өнгө яагаад долоо гэж

Борооны дуслууд нартай уусаад л тэр

Зүрх яагаад шимширдэг гэж

Сэтгэлийн араншин

Нүдтэй эрхлээд л тэр...

  * * *

Юм бvхэн амьд

Амьд бvхэн бурханлаг болоод чєтгєрлєг

Агуулга бvхэн хэлбэр

Хэлбэр бvхэн утгатай болоод утгагvй

Бурхан болгон утгагvй биш

Чєтгєр болгон утгатай биш